التخطي إلى المحتوى
رواية وجع العشق الجزء السابع (حصرياً)
رواية وجع العشق الجزء السابع


#وجع_العشق

#الجزء_السابع
ريم مسكت تليفونها واتصلت بمالك 
ريم : مالك أزيك عامل ايه 
مالك : الحمد لله ياريم انت اخبارك ايه و المذاكرة 
ريم : بخير والله الحمدلله مالك كنت عايزة اقولك حاجه بس مش هينفع فون لازم اقابلك
مالك : والله يا ريم انا لسه راجع الشغل امبارح و مش هنزل غير كمان اسبوعين ،.طيب ماتنفعش فى التليفون خالص 
ريم : للاسف لازم أشوفك 
مالك بضحك : طب لمحيلى طيب 
ريم : ههههه مش هينفع والله اما تنزل بالسلامه ان شاء الله بس ياريت سارة متعرفش ان الكلام ده ممكن ؟
مالك بتعجب : ليه 
ريم : عادى هو الموضوع ميخصهاش يخصنى انا وانا مش عايزة حد يعرفه 
مالك : حاضر يا ريم متقلقيش اعتبرى مفيش حاجه حصلت 
ريم : متشكرة اوى يا مالك انا هقفل بقا سورى لو ازعجتك
مالك : لا طبعا مفيش ازعاج ولا حاجه كلمينى اى وقت 
ريم : ربنا يخليك يارب يلا مع السلامة 
مالك : سلام يا ريم 
مالك فضل يفكر يا ترى ايه

رواية وجع العشق

الموضوع الل ريم عايزاه فيه و ليه مش عايزة سارة تعرف دى صحبتها الانتيم معقول هتكون مستامنانى اكتر منها يلا لعله خير

عند فريده قاعده مع سعاد و بتحكيلها الل حصل 
فريده : والله يا ماما ده الل حصل قالى الكلمتين دول و راح قافل فى وشى. 
سعاد : من الباب للطاق كده يا فريده اصل انا عرفاكى اما بتقلبى ع الوش التانى 
فريده : المشكله ان ملحقتش اقلب اصلا والله ده انا ملحقتش ارد
سعاد : مش عارفه طيب بصى حاولى تحسنى اسلوبك معاه جايز هو فهمك غلط 
فريده : يفهم غلط ايه انتى لسه بتدافعى عنه وبعدين ما يولع عادى يعنى انتى هتكذبينى عشانه 
سعاد : لا يا بنتى انا بقول ممكن فهمك غلط شوفى المكالمه الجايه هتبقى ازاى 
فريده : طيب يا ماما انا هدخل اوضتى بقا و هحاول انام 
سعاد : ماشى 
فريده دخلت اوضتها وبدات تفكر ده حتى ماما بتخترعله اعذار اعمل ايه بس ياربى ف المصايب دى ونبى يارب تطلعنى منها ع خير 
تانى يوم فريده راحت شغلها عادى وخلصت و راحت الكورس و قضت اليوم و رجعت البيت عادى 
فريده : انا جيت يا ماما 
سعاد : حمدلله ع السلامه ي حبيبتى 
فريده : الله يسلمك يارب 
سعاد : هاه مروان كلمك
فريده : ولا عبرنى 
سعاد : ولا حتر بعتلك رسايل
فريده : تؤتؤ اقولك حاجه احسن يارب يطلعنى من دماغه بقا 
سعاد : ههههههه يا بت انتى بطلى تبطير على خلق الله 
فريده بضحك : ياماما الكلام ده يتقال اما اكون بتبطر على حاجه عدله مش مروان ، عيب والله كلامك ده 
سعاد : ههههههههه حرام عليكى المهم حد من اهله كلموكى. 
فريده بزعل مصطنع : محدش عبرنى يا مامتى
سعاد باستغراب : معقول ولا حتى اخوه. 
فريده : لا ولا حتى جابلى سيرتهم 
سعاد : طيب مطلبش يكلمنى ولا فتح سيرة الزيارة لحد من اجواز اخواتك الل كان بيقول عليها 
فريده : ولا الهوا 
سعاد : طيب يا بنتى اما يكلمك خليه يكلمنى 
فريده : حاضر يا ماما انا هقوم اصلى بقا. 
سعاد : تقبل الله يا حبيبتى. فريده باست ايد مامتها و قالت : ادعيلى يا ماما
و دخلت اوضتها عشان تتوضى و تصلى

فى بيت مالك باباه و مامته قاعدين بيتكلموا 
على : ابنك ماله الفترة دى يا ماجده
ماجده : معرفش بس حاله مش عاجبنى 
على : هو مش رجع لسارة دى ماجده : رجعلها بس معرفش ماله متغير ليه مش زى الاول
على : طب محكلكيش ف مشكله بينهم مثلا أتعرف ع واحده تانيه ، اى حاجه اصل تغيره المفاجئ ده مش مريح
ماجده : انا كمان مش مرتاحه هو نفسه مش مرتاح، بس انت عارف ابنك مبيحكيش اى حاجه 
على : ربنا يقدمله الخير و يهديه انا هقوم بقا انزل اتمشى شويه ف الجو ده ما صدقت الجو اتعدل 
ماجده : ماشى يا حبيبى بس متتاخرش عشان نتغدى مع بعض 
على قرب عليها و باسها من دماغها : حاضر يا حبيبتى
عند مالك تحديدا فى شمال سيناء 
مالك : هاه يا رجاله ايه الاخبار امنتوا المنطقه
احد العساكر : كل تمام يا سيادة النقيب 
مالك : الله ينور يا جماعه يلا قدامكم 5 ساعات نوم عشان مهمتنا تخلص ع خير 
العساكر فى نفس واحد : تمام يا فندم
رائد زميل مالك : مالك كنت عايزة اتكلم معاك
مالك : خير يا رائد. 
رائد : انا آسف ع الكلام الل قولته واحنا مع بعض مقصدش تزعل. 
مالك : عادى مفيش حاجه 
رائد : مش عايزك تزعل منى انت عارف بعزك قد ايه
مالك : خلاص والله انا عارف وانت كمان متزعلش منى انا كنت متعصب وقتها
رائد : لا يا باشا ولا يهمك كلنا بنمر بالظروف دى. 
مالك : حبيبى. يلا بقا نرتاح شويه قبل المهمه ورانا بكرة شغل كتير
رائد : يلا تصبح ع خير 
مالك عايزة اقولك حاجه. 
مالك : قول يا قائد
رائد : لو حصلى حاجه خلى بالك من امى و ابقى اسال عليها انت و الرجاله و متحسسوهاش بغيابى هى بتحبكم. 
مالك : ايه الل انت بتقوله ده بس كلنا هنرجع ان شاء الله دى مش اول ولا اخر مهمه هنعملها بلاش الكلام ده يا رائد ده انت حمايتنا
رائد : الله يجبر بخاطرك انا بس بوصيك محدش ضامن عمره 
مالك : وصيتك فى رقبتى يا صاحبى وانت كمان ابقى خلى بالك من امى و ابويا 
رائد بابتسامه غريبه قلقت مالك : طيب يلا بقا يا باشا عايزين نبقى فايقين.. 
رائد : ماشى يلا تصبح ع خير

عند فريده قاعده فى اوضتها بتذاكر و بعدين تليفونها رن 
ظفرت بضيق وبعدين ردت 
فريده : ايوا 
مروان : ازيك يا حبيبتى 
فريده : الحمدلله ازيك انت 
مروان : الحمدلله مرنتيش عليا النهارده ليه 
فريده : انت بتهزر ؟
مروان : انتى لسه زعلانه منى من امبارح
فريده : ده مكنش أسلوب اصلا
مروان : بصى يا فريده انا سيبت خالتى عشان كلمونى باسلوب مش كويس و مش هسمح لحد يكلمنى بطريقه مش عجبانى فاتعصبت غصب عنى
فريده : بس انا مش حد ولا واحده بتشتغل عندك عشان اتعامل بالاسلوب ده المفروض ان خطيبتك 
مروان : معلش انتى واحده واحده هتاخدى على طبعى وبعدين انا اكتر حاجه شدتنى ليكى انك مطيعه
فريده بينها و بين نفسها مطيعه اوى 
فريده : مممم و عرفت ازاى
مروان بثقه : انا بعرف فى الناس كويس 
فريده بتريقه : اهاا ماانا عارفه ،. ع فكرة يا مروان ماما سالتنى عليك وعايزة تكلمك
مروان بقلق : ليه ف حاجه
فريده بتعجب : معرفش بس هى بتسالنى انت بتسال عليها ولا لا 
مروان : عادى والله بس مجاش فى بالى عموما خليها تكلمنى 
فريده خرجت لسعاد 
فريده : ماما كلمى مروان 
سعاد : الوووو …..

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *