التخطي إلى المحتوى
رواية وجع العشق الجزء السادس (حصرياً)
رواية وجع العشق الجزء السادس

#وجع_العشق #الجزء_السادس
فريده نامت و فجاءة قامت مخضوضه شافت كابوس وحش اوى 
فريده : اعوذ بالله من الشيطان الرچيم ايه ده بس يا ربى لا حول ولا قوة إلا بالله 
انا قولت انا مش مرتاحه للبنى ادم ده يارب خلصنى منه بقا يارب
تانى يوم الصبح صحيت اخدت دش و فطرت 
فريده : ماما انا حلمت حلم وحش اوى. 
سعاد : خير اللهم اجعله خير يا بنتى فى ايه 
فريده : حلمت ان مروان عايز يعمل معايا حاجات وحشه بالعافيه و كان معاه ناس معرفهمش وكانوا خاطفينى
سعاد : ده بس عشان انتى مش عايزاه فعقلك الباطن هو الل مخليكى تحلمى بحاجات وحشه 
فريده : عقل باطن ايه بس يا ماما الل بتقوليه ده اما اكون طول الليل بفكر فيه بس انا اساسا هو مش ف دماغى
سعاد : أومال بتفكرى ف مين ؟ فى مالك 
فريده بحزن : خلاص يا ماما حكايتى مع مالك انتهت هو سابنى 
سعاد : يبقى انسيه يا بنتى و اتقى ربنا فى الل معاكى و متفكريش فى غيره
سعاد : انا مش شيفاه اصلا عشان افكر فيه انتو ليه مش مصدقينى انا مش مرتاحه هو مش مريح يا ماما صدقينى 
سعاد : عشان انتى ف دماغك حد تانى. 
فريده : لا لا بصى يا ماما انا بفهم ف الناس كويس و اعرف مين الكذاب و مين الصادق و مروان كذاب و اول حاجه كذب فيها هى سنه 


سعاد : و عرفتى منين ؟ 
فريده : انتى مشوفتيش شكله ولا ايه هو ده منظر حد عنده 40 سنه حتى و متحاوليش تفهمينى انك مش واخده بالك
سعاد : جايز من الهم يا بنتى ماانتى شوفتى حياته ده يا عينى لا عنده ام ولا اب و لا اخت معندوش حد خالص ده ما صدق لاقانا يا فريده 
فريده : ماما انتى بجد مصدقه الحكايه دى انتى بجد مقتنعه بكلامك و هنفترض يا ستى انه صح هتبعونى ليه عشان صعبان عليكم 
سعاد : لا طبعا انا قولت بس تديله فرصه
فريده : طيب ايه يا ماما بقولك انا مش مرتاحه اول نا بسمع اسمه بس بحس بتقل على قلبى كل اما اتخيل ان ممكن اقضى معاه باقى حياتى بتجنن. 
سعاد : لا حول ولا قوة إلا بالله اهدى بس يا بنتى و استعيذى بالله انا معرفش مالك 
فريده : يا ماما صدقينى انا طبيعيه مش ملبوسه يعنى بس فعلا هو مش مريح 
سعاد : طب اهدى ومتخافيش مفيش جواز بالعافيه 
فريده : اما اشوف يا ماما انا هقوم اروح الشغل عشان متاخرش
سعاد : ماشى يا حبيبتى خلى بالك على نفسك 
فريده : حاضر يلا سلام

فى مكان تانى ف كافيه على البحر سارة و ريم صاحبتها قاعدين 
ريم : انا معرفش مالك ي بنتى مش مالك ده الل كنتى هتموتى عليه
سارة بضحك : هموت ع مين يا بنتى مالك بالنسبالى كان عيند مع اهلى و بس 
ريم : نعم بتهزرى مش انتى بتحبيه برضه ولا ده كان كلام
سارة : بصى لا مش كلام بس الل هو عادى واحد ظابط و شكله حلو و شيك و اهله كويسين بس لو جالى الأحسن هوافق طبعا 
ريم : طب واما انتى كده كنتى بتعندى مع اهلك كل ده ليه 
سارة : عشان اثبتلهم ان مش ضعيفه وان كلامى انا الل هيمشى و بينى و بينك كنت متراهنه مع اختى على كده 
ريم : متراهنه!!!!! 
سارة : ايوا يا بنتى كنا متراهنين ف الأول على مالك مين فينا الل تجيبه وبعدين اما جه معايا سكه عيشت عليه الحب وبعدين الموضوع قلب بجد و حسيت ان ممكن اكمل معاه جت سها اختى اتضايقت اما لاقيتنى كسبت الرهان و حبت تخلينا نخسر بعض و بما اننا فاهمين بعض كويس قولتلها ان هخليه يجى يتقدم قالتلى بابا مش هيوافق فعملنا رهان تانى ان اخلى ابويا يوافق و برضه كسبته و اديها بتولع دلوقتى ههههههه
ريم : ده انتى شيطان يا سارة يخربيت دماغك وانا الل فاكرة انك كل ده حب عملتى كده عشان بتحبيه و ف الاخر يطلع رهان 
سارة :.حب مين يا بنتى احنا بتوع الكلام ده برضه الحب ده عند الناس الهبله لكن انا عندى اهم حاجه مركزة و شكله و فلوسه اى حاجه تانيه كمليات ملهاش لازمه
ريم : و طبعه و شخصيته مش مهم برضه 
سارة : لا بس عادى الحاجات دى بتتغير و مادام انا حلوة و مش مخلياه يبص برة و هو مش مخلينى عايزة حاجه يبقى هحتاج ايه 
ريم باستحقار : عندك حق.. سارة : ههههههههههههههه بذمتك مش كده برضه 
ريم : طيب يا سارة هقوم انل عشان الحق اتغدى مع بابا 
سارة : خلاص اوك تيك كير وانتى ماشيه 
ريم : اوك باى
ريم ركبت عربيتها و مشيت و بتقول لنفسها انتى ازاى كده يا سارة متراهنه عليه و هو بيحبك كل ده مالك لازم يعرف حقيقتك ووقتها هو يقرر هيكمل معاكى ولا لا 
وصلت البيت 


ريم : بابى يا بابى انت فين 
عادل : انا هنا يا حبيبتى فى المطبخ تعالى 
ريم دخلت المطبخ و اول ما شافت باباها ماتتم الضحك 
ريم : بابى ايه الل انت عامله ف نفسك ده 
عادل : فى ايه يا بت مالى
ريم : وشك متبهدل بالدقيق و دقنك هههههههه 
عادل بص لنفسه فى المرايه و هو كمان ضحك على نفسه 
عادل : اصل كنت منهمك شويه ف المطبخ و بخترعلك حاجه جديده 
ريم : ابوس ايدك يا بابى كفايه اختراعات انا معدتى باظت
عادل : مش احسن من اكل الشارع 
ريم : لا طبعا يا عم ده انا نسيت طعم الاكل حرام عليك عادل : طب تعالى اطبخى انتى وورينا شطارتك و بعدين ايه يا عم دى يا بنت عيب 
ريم : يا بابى فك كده متبقاش قفوش وبعدين بص احنا دلوقتى نطفى البوتجاز و نطلب دليفيرى 
عادل : يعنى نسيب الاكل البيتى و ناكل من الشارع 
ريم : اما يبقى اكل الشارع احلى يبقى لازم نسيب اكل البيت 😆😂
عادل : تصدقى صح طيب يلا اطلبلنا حاجه على زوقك 
ريم : حبيبى يا شقيق 
عادل : بنت عيب
فى الصيدليه فريده و ميرهان قاعدين مع بعض 
فريده بحزن : متخيلتش تماما انه يعمل كده 
ميرهان : معلش يا فرفورة متزعليش كويس انك عرفتى عشان متعلقيش نفسك
فريده : بس انا مش قادرة اتخيل ان فعلا خلاص 
ميرهان : هو الل اختار يا فريده انتى عملتى الل عليكى
فريده : بس كان مخنوق يا ميرهان انا حاسه انه تعبان بسببى
ميرهان : مش عارفه اقولك ايه انا احترت و مبقتش فهماه 
فريده : ولا انا نفسى ارتاح
ميرهان : انتى ركزى فى مذاكرتك عشان تعرفى تحققى الل انتى عايزاه و ركزى مع الل معاكى دلوقتى جايز يكون كويس بس انتى الل مش شيفاه
فريده : انا مش شيفاه انا مش حطاه ف حسباتى اصلا و ده مضايقنى مش عايزة اظلمه. 
ميرهان : طب ادي لنفسك فرصه و هو كمان
فريده : مش قادرة يا ميما ووالله ما بسبب مالك بس فعلا هو مش مريح مع انه بيتكلم بالدين بس مش مرتاحه 
ميرهان : ربنا يقدملك الخير 
فريده : يااارب انا هقوم اروح بقا خلى بالك ع نفسك 
ميما : وانتى كمان يا روحى 
فريده مشيت و وصلت البيت 
تليفونها رن 


فريده بزهق : ياااااااربى مش وقتك خالص. 
وبعدين ردت 
فريده : الووو
مروان بعجرفه : انتى مبترديش بسرعه ليه .
فريده : معلش لسه راجعه م الشغل و بعدين انا متاخرتش ف الرد ولا حاجه. 
مروان : انتى بتتكلمى كده معايا ازاى
فريده : مالى بتكلم ازاى برد عادى
مروان بتجرفه : بصى يا فريده انا عمر ما حد اتكلم معايا باسلوب مش عاجبنى اعرفى انتى بتكلمى مين وبعد كده تحسنى اسلوبك الكلام خلص مع السلامة

و راح الخط فى وشها فريده بتبص للموبايل و مبرقه….
..فريده فضلت مصدومه من اسلوبه و طريقته وبتقول لنفسها ازاى ده الشخص الل كان بيتكلم بالدين و هيتقى ربنا اكيد ف حاجه غلط بس انا اصلا مغلطش انا هحكى لماما لازم تعرف ان نظرتى فيه كان صح 
فى بيت ريم هى و باباها قاعدين ع السفرة 
ريم : بابى كنت عايزة اقولك حاجه. 
عادل : قولى يا حبيبتى 
ريم : فى واحده صحبتى بتعمل غلط
عادل : غلط زى ايه ؟؟
ريم : هحكيلك و قالتله كل حاجة سارة بتعملها. 
عادل :.و عرفتى كل ده امتى
ريم : لسه النهارده وفى حاجات تانيه هى بتعملها بس دى متهمنيش هى حرة ف نفسها انا بس صعبان عليا حبيبها ده 
عادل : صعبان عليكى بس؟.ريم : اها طبعا يا بابى اومال انت مفكر ايه. 
عادل : بتحبيه مثلا ؟
ريم : ايه الل بتقوله ده يا بابى لا طبعا مالك فعلا صعبان عليا هو بيعمل عشانها كتير
و جه على كرامته عشانها ومع كل ده تطلع متراهنه عليه حرام يعنى. 
عادل : انا مستغربها فعلا بس يا بنتى خليكى انتى بعيد عشان هتطلعى انتى الل غلطانه ف الاخر و بتوقعى بينهم
ريم : بس كده هيبقى حرام لو سيبته يكمل من غير ما يبقى فاهم على الاقل نديله حق الاختيار
عادل : وانا قولت بلاش بس برضه مقدرش اجبرك ع حاجه 
ريم : ماشى يا بابى عن اذنك بقا عندى مذاكرة

ريم دخلت اوضتها و قررت تكلم مالك و مسكت تليفونها و اتصلت عليه…..

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *